Cari amighi, Ve spiego na roba.
I supermercati resta verti, sempre, anca sabo e domenega. Ea merce riva (tranne l’amuchina). Quindi per piasser no ste vegnir a far scorte come se ghe fusse ea guerra e seguì ste semplici regole:

  1. Se vedé che ghe xe già troppa gente dentro ea bottega, ste fora e speté un fá
  2. Co entré no ste vegnirme davanti el muso per domandarme e robe.
  3. Basta uno, no serve ti, to mujer, i 3 fioii e a suocera. Uno per tutti.
  4. No ste scavalcar chealtri clienti per torve i Nutella biscuit, speté che i se allontana.
  5. El Pan e ea frutta va sempre tolti co i guanti. Anca ea man che tocca ea paletta va coverta col guanto.
  6. Semo un’attività commerciale de prima necessità, se ti vien per comprar solo e punte da trapano no ti ga capio un casso.
  7. Xe logico che se rispettemo el metro de distansa ghe sarà più coda in cassa. Speta e no sta romper i coioni. Soprattutto se ti ga solo e punte da trapano.
  8. E casse no xe fatte ben, lo ammetto. Quindi sta distante dala cassiera e no stá stranuarghe dosso.
  9. E righe zae in tera xe per non oltrepassarle, no xe el spassio per farve e borsette.
  10. No sta dirghe ai comessi “fantuini, vialtri ve tocca star a contatto con tutti” perché ti risci de ciapar na maedia de morti.
    Naturalmente questo val appunto per i me amighi. A chealtri no posso dirgheo.

Buona spesa